Rang sayt: A A A A

Qishloq qurilishi bo’yicha savol javoblar

Uy-joy qurilishi uchun kredit kimlarga beriladi? Talabgorning yoshi va ijtimoiy kelib chiqishi bilan bog’liq cheklovlar bormi?

Namunaviy loyihalar bo’yicha uy-joy qurilishi uchun kredit quyidagi shaxslarga beriladi:
- qishloq joylarda yashaydigan (doimiy ro’yxatdan o’tgan), ipoteka krediti olish uchun murojaat qilgan kunida 18 yoshga to’lgan O’zbekiston Respublikasi fuqarolariga;
- oxirgi 12 oy mobaynida doimiy ish joyiga, shaxsiy yordamchi yoki dehqon xo’jaligidan yoxud yakka tartibdagi tadbirkorlik faoliyatidan doimiy daromadga, shuningdek ipoteka krediti bo’yicha hisoblab yozilgan foizlarni va asosiy qarzni to’lov jadvaliga muvofiq har oyda to’lash uchun yetarli bo’lgan, qonun hujjatlarida taqiqlanmagan boshqa daromad manbaiga ega bo’lgan shaxslarga;
- barpo etilayotgan namunaviy loyiha uy-joy smeta qiymatining kamida 25 foizi miqdorida boshlang’ich badal uchun mablag’ga ega bo’lgan shaxslarga;
- kredit tashkilotlaridan kreditlar bo’yicha to’lov muddati o’tgan qarzi bo’lmagan shaxslarga.

Namunaviy loyiha deganda nima tushunamiz - zamonaviy qurilish materiallari va texnologiyalarini respublika mintaqalarining tabiiy-iqlim sharoitlarini va joyning rel'efini, ijtimoiy-demografik xususiyatlarini hisobga olgan holda qo’llanib namunaviy uy-joylar qurish uchun "Qishloqqurilishloyiha" MCHJ loyihalash-qidiruv instituti tomonidan ishlab chiqilgan va tasdiqlangan loyiha.

Kreditni olish uchun eng avvalo kimga murojaat etish kerak? Biror tashkilotning yo’llanmasi yoki ruxsatnomasi kerakmi ?

Yakka tartibda uy joy qurish uchun avvalo fuqaro o’zi istiqomat qiladigan viloyatdagi "Qishloq qurilish invest"IK ning filialiga ariza bilan  murojaat qilishi lozim. Fuqaro o’z arizasida uy joylarning namunaviy loyihasini va uy joy qurilishi uchun to’lov turini ko’rsatib o’tishi lozim.  "Qishloq qurilish invest"IK arizani o’rganib chiqadi va fuqaro bilan shartnoma tuzish uchun taklif etadi. Fuqaro "Qishloq qurilish invest"IK bilan shartnoma tuzgandan so’ng, ipoteka krediti rasmiylashtirish uchun fuqaro yashash joyiga yaqin bo’lgan "Qishloq qurilish bank"ning tuman (shahar) filialiga murojaat qiladi. Shu munosabatli fuqaro tomonidan yo’llanma yoki ruxsatnoma taqdim etish talab etilmaydi.

Kredit olish uchun qanday hujjatlar taqdim etilishi kerak?
Ipoteka krediti olish uchun qarz oluvchi (birgalikda qarz oluvchilar) tomonidan quyidagi hujjatlar taqdim etiladi:
a) kredit olish uchun ariza;
b) qarz oluvchi (birgalikda qarz oluvchilar) pasportining nusxasi;
v) yashash joyidan oila tarkibi to’g’risidagi ma'lumotnoma;
g) qarz oluvchi (birgalikda qarz oluvchilar)ning moliyaviy ahvolini tasdiqlovchi hujjatlar;
d) qarz oluvchining nomiga ochilgan omonat qo’yilma hisob raqamiga pul mablag’lari qo’yilganligi to’g’risidagi ma'lumotnoma va "Qishloq qurilish invest"IK injiniring  kompaniyasi bilan "kaliti bilan topshirish" shartlari asosida tuzilgan shartnomaning nusxasi.

e) namunaviy loyiha nusxasi

Birgalikda qarz oluvchilar kim bo’lishi mumkin?
Qarz oluvchining ipoteka krediti va kredit bo’yicha foizlarning har oydagi to’lovlarida qatnashadigan, shuningdek ipoteka krediti yuzasidan birgalikda javob beradigan eri (xotini) hamda uning yaqin qarindoshlari (ota-onasi, aka-ukalari, opa-singillari, farzandlari)

Qarz oluvchi (birgalikda qarz oluvchilar)ning moliyaviy ahvolini tasdiqlovchi hujjatlar qanday hujjutlar hisoblanadi?

1) doimiy ish joyiga ega bo’lganlar uchun:
- xodimning oxirgi 12 oy mobaynidagi daromadlari to’g’risida qarz oluvchi (birgalikda qarz oluvchilar) va oila a'zolari ishlaydigan korxona (muassasa) tomonidan belgilangan shaklda berilgan ma'lumotnoma;
- O’zbekiston Respublikasi davlat-tijorat Xalq banki filialida ochilgan yakka tartibdagi jamg’arma pensiya hisob raqamidan ko’chirma (agar jamg’arma pensiya tizimida majburiy tartibda ishtirok etsa) - bank talabiga ko’ra taqdim etiladi;
2) boshqa daromadlar manbaiga ega bo’lgan fuqarolar uchun :
- ularning yashash joyidagi davlat soliq xizmati organi tomonidan tasdiqlangan oxirgi 12 oy mobaynidagi daromadlar to’g’risidagi deklaratsiyalar nusxalari.
- Dehqon/fermer xo’jaliklari boshliqlari hisoblanadigan yoki yuridik shaxs bo’lmasdan tadbirkorlik faoliyati bilan shug’ullanadigan fuqarolar oxirgi 12 oy mobaynidagi daromadlari to’g’risidagi deklaratsiyalardan tashqari, shuningdek, agar ular amalga oshiradigan faoliyat turlari qonun hujjatlariga muvofiq litsenziyalanishi kerak bo’lsa, faoliyatning ayrim turlari bilan shug’ullanish uchun huquqning davlat ro’yxatidan o’tganligi to’g’risidagi guvohnoma va litsenziyaning nusxalarini ham taqdim etadilar.

Kredit ajratishda pul miqdori qay yo’sinda belgilanadi?

Ipoteka krediti miqori amaldagi tartiblarga muvofiq kredit ajratish sanasida amalda bo’lgan belgilangan eng kam oylik ish haqining 1000 baravaridan oshmaydigan miqdorida belgilanadi. Bunda ajratiladigan kredit miqdori uy-joy qiymatining 75 foizidan oshmasligi lozim.  

Uyni qurib beradigan pudratchi tashkilotni fuqaroning o’zi topishi kerakmi yoki bankning o’zi tanlaydimi ?

Qarz oluvchi fuqaro "Qishloq qurilish invest"IK injiniring  kompaniyasi bilan "kaliti bilan topshirish" shartlari asosida tuzilgan shartnomada qurilish tashkilotini tanlash va texnik nazorat qilish vazifalarini kompaniyaga yuklaydi. Bunda, qarz oluvchi shartnomasiga muvofiq qurilishning butun davri mobaynida qurilish jarayoniga halaqit bermagan holda qurilishning borishini kuzatib borish hamda zaruriyat bo’lganda namunaviy loyiha doirasida yozma shaklda takliflar kiritish va injiniring kompaniyasi va pudratchiga e'tirozlar bildirish huquqiga egadir.

Kreditga ariza berishdan oldin talabgor o’zi tanlagan loyihani taqdim etishi kerakmi yoki loyiha pul ajratilgandan keyin tanlanadimi?

"Qishloq qurilish invest"  injiniring kompaniyasida "Qishloqqurilishloyiha" loyiha-qidiruv instituti tomonidan ishlab chiqilgan va belgilangan tartibda tasdiqlangan namunaviy loyihalar katalogi mavjud bo’lib, fuqaro ushbu loyihani kompaniyaga ariza berishdan oldin tanlaydi. Bunda fuqaro tomonidan tanlangan namunaviy loyiha fuqaroga bepul beriladi.

Foiz  to’lovi qay tarzda belgilanadi?

Ipoteka kreditidan foydalanganlik uchun foiz stavkasi yillik 7 foiz miqdorida belgilanadi.

Garov shartlari qanday? Nimalar garovga qo’yiladi?

 Kredit mablag’lar barpo etilayotgan uy-joy garovi ostida, ya'ni qarz oluvchi tomonidan tanlangan namunaviy loyihalar bo’yicha qishloq joylarda qurilayotgan uy-joy garov sifatida qabul qilinadi.

Kredit necha yilga beriladi va qanday imtiyozlar bor?

Ipoteka kreditlari olti oydan iborat imtiyozli davr bilan 15 yilgacha muddatga beriladi. Bunda, ushbu kreditdan foydalanganligi uchun qarz oluvchining soliqqa tortiladigan daromadlariga quyidagi daromadlari kirmaydi:
-soliqqa tortiladigan ish haqi va boshqa daromadlarning ipoteka kreditlari va ular bo’yicha hisoblangan foizlarni qoplash uchun yo’naltirilgan summasi;
- xo’jalik sub'ekti - ish beruvchidan uy-joy sotib olish uchun olingan mablag’.
Bunda, sotib olingan uy-joy davlat ro’yxatidan o’tkazilgan kundan boshlab besh yil ichida sotilsa, olingan daromadlar belgilangan tartibda jismoniy shaxslar daromadlariga solinadigan soliqqa tortiladi.

Xususiy korxona yoki do’kon qurilishi uchun ham kredit ajratiladimi ?

Imtiyozli kredit mablag’lar faqatgina tasdiqlangan namunaviy loyihalar asosida uy - joylar qurilishi uchun ajratiladi. Xususiy korxona yoki tijorat do’konlari qurilishi uchun bankimizning tijorat kredit mablag’laridan foydalanishi mumkin.

Muddat tugagach, kredit naqd pulda qaytariladimi yoki naqd pulsiz to’lov ham mumkinmi?

Qarz oluvchi (birgalikda qarz oluvchilar) tomonidan foizlarni va ipoteka kreditini to’lash quyidagi manbalar hisobiga amalga oshirilishi mumkin:
a) ish haqi va unga tenglashtirilgan to’lovlar, pensiyalar, gonorarlar, dividendlar, foizlar va qimmatli qog’ozlar bo’yicha olinadigan boshqa daromadlar hisobiga naqd pulsiz shaklda o’tkazish yo’li bilan;
b) naqd pul ko’rinishida;
v)qarz oluvchi (birgalikda qarz oluvchilar)ning bankdagi omonatlari bo’yicha hisob raqamlaridan naqdsiz shakldagi pul mablag’lari o’tkazish yo’li bilan;
g) bank plastik kartochkalaridan pul mablag’larini naqdsiz to’lash yo’li bilan;
d) naqdsiz shakldagi pul mablag’larini qarz oluvchi (birgalikda qarz oluvchilar)ning ish beruvchisi tomonidan, moddiy yordam mablag’lari va ipoteka kreditini to’lash uchun ajratilgan boshqa mablag’lar hisobidan o’tkazish yo’li bilan;
e) fermer xo’jaliklarining yil yakuniga ko’ra fermer xo’jaligi boshlig’ining shaxsiy tasarrufiga o’tadigan daromadlari hisobidan o’tkazish yo’li bilan, agar u qarz oluvchi yoki birgalikda qarz oluvchilar deb hisoblangan taqdirda;
j) qonun hujjatlarida ta’qiqlanmagan boshqa manbalar hisobidan.

Muddat tugamasdan oldin kredit to’lansa, qanday imtiyozlar bo’ladi?

Qarzdor (birgalikda qarz oluvchilar) kreditni muddatidan oldin to’laganda  vositachilik to’lovi undirilmaydi.

Kredit olgan fuqaro to’satdan vafot etsa nima bo’ladi?

Kredit olgan fuqaro to’satdan vafot etgan taqdirda uning mulk va qarz majburiyatlari qonun hujjatlarida belgilangan tartibda qabul qilib olgan huquqiy vorislariga o’tadi.


Plastik kartochkalar boyicha savol va javoblar                                                                                                                                                    


O‘zbekiston Respublikasida tegishligiga ko‘ra som  bank plastik kartochkalari (BPK) qanday turlari muomalaga chiqariladi.

Javob: Bank tomonidan 3 turdagi  BPK muomalaga chiqariladi.

                Bular:

                Shaxsiy plastik kartochkalar;

                Korparativ plastik kartochkalar;

                Yakka tartibdagi tadbirkorning milliy valyutadagi plastik kartochkalari.

 

Bank tomonidan muomalaga chiqarilgan BPK hozirda qaysi rejimda ishlaydi?

Javob: O‘zbekistrn Respublikasi tijorat banklari tomonidan ikki xil rejimda ishlay oladigan BPK muomalaga chiqarilgan. Ya'ni, bular On-line va Off-line rejimida

ishlaydigan BPKlar

 

O‘zbekistondagi tijorat banklari tomonidan harakatlanish rejimiga ko‘ra qanday turdagi  BPK chiqariladi?

Javob: Tijorat banklari tomonidan xarakatlanish rejimiga ko’ra ikki turdagi  plastik kartochkalari muomalaga chiqariladi:

a) debet bank plastik kartochkasi o‘z saqlovchisiga,  plastik kartochka  emitenti va saqlovchisi o‘rtasida tuzilgan shartnoma shartlariga binoan, tegishli kartochka hisobvarag‘idagi pul mablag‘larining qoldig‘i doirasida tovarlar (ish, xizmat) ga haq to‘lash va (yoki) naqd pul mablag‘larini (korporativ BPK va yakka tartibdagi  tadbirkorning milliy valyutadagi  plastik kartochkalari bundan mustasno) olish uchun tasarruf etish imkonini beradi.

b) kredit bank plastik kartochkasi o‘z saqlovchisiga,  plastik kartochka emitenti va

saqlovchisi o‘rtasida tuzilgan shartnoma shartlariga binoan tovarlar (ish, xizmat) uchun haq to‘lash va (yoki) naqd pul mablag‘larini (korporativ  plastik kartochkalar bundan mustasno) olish uchun tegishli kartochka hisobvarag‘idagi pul mablag‘lari qoldig‘idan ortiq operatsiyalarni amalga oshirish imkonini beradi.

 

BPK almashtirish yoki yangi BPK olish tartibi qanday amalga oshiriladi?  

Javob: Plastik kartochka qaysi rejimda ishlashidan qat’iy nazar uni muomalaga chiqarish tartibi tijorat banki tomonidan qabul qilgan tartibda amalga oshiriladi.  plastik kartochkalarning qo‘shimcha emissiyasi uchun kartochka hisobvarag‘i saqlovchisining yozma arizasi zarur. Plastik kartochka 3 ish kuni davomida ochib beriladi.

Mijoz o‘z plastik kartochkasini almashtirishi yoki yangi plastik kartochkasini olishi uchun unga xizmat ko‘rsatayotgan tijorat bankiga quyidagi hujjatlarni taqdim etishi lozim bo‘ladi:

Tijorat banki filiali boshqaruvchisi nomiga ariza;

Shaxsni tasdiqlovchi hujjat (Fuqarolik pasporti);

 

PIN-kod nima va uni qanday almashtirish mumkin, shuningdek o‘z pul mablag‘larini saqlanishini va xavfsizligini ta’minlash uchun nimalarni bilish zarur?

 

Javob:  PIN-kod – plastik kartochkani saqlovchisining shaxsiy identifikatsion raqami bo‘lib, u kartochka hisobvarag‘idagi pul mablag‘larni boshqarish huquqini beradi, hamda mablag‘larni boshqarishga plastic kartochkaning saqlovchisi tomonidan ruxsat berilganligini tasdiqlaydi.

Kartochka saqlovchisi mustaqil ravishda quyidagi PIN-kodlarni kiritadi:

Off-line rejimidagi BPK uchun:

birinchi PIN-kod- plastik kartochkaning pul mablag‘larni boshqarish uchun;        ikkinchi PIN-kod esa – plastik kartochkalari mablag’ini yuklash uchun.

On-line rejimidagi BPK uchun:

yagona PIN-kod-kartochka hisobvaragidagi pul mablag larni boshqarish uchun;

PIN-kodni xizmat ko‘rsatuvchi bank yoki joylarda o‘rnatilgan bankomat, infokiosk va terminallar orqali almashtirish mumkin.

PIN-kod (shaxsiy identifikatsion raqam-kod) haqidagi ma’lumot maxfiydir, shu sababli PIN-kod haqidagi ma’lumotlarni tarqatish tavsiya etilmaydi. Plastik kartochkani  saqlovchisi o‘z kodini yoddan bilishi, uni kartochka va odatda kartochka bilan birga tutiladigan narsalarni ustida yozib qo‘ymasligi lozim. PIN - kodni boshqa shaxslarga va hatto bank xodimlariga ham oshkor qilish tavsiya etilmaydi. Agar PIN-kodingizni biror-bir shaxs bilishi haqida gumon paydo bo‘lgan bo‘lsa, darhol o‘z parolingizni terminal yoki bankomat orqali o‘zgartirishingiz lozim.

Agar plastik kartochka saqlovchisi shartnoma shartlarini buzgan holda, o‘z PIN-kodini oshkora qilgan va/yoki kartochkani uchinchi shaxsga foydalanishga bergan bo‘lsa, bu holda u amalga oshirilishi mumkin bo‘lgan barcha tranzaksiyalar bo‘yicha javobgardir.

 

Qanday hollarda BPK blokka tushadi?

Jalob: Plastik kartochkadan foydalanganda uch marta noto‘g‘ri PIN-kod terilsa, plastik kartochka blokka tushadi. Bunday holatda bank plastik kartochka emitentiga murojaat eting va bank korsatmalariga amal qiling. Shuningdek, Off-Line rejimidagi plastik kartochka orqali bir oy mobaynida hech qanday tranzaksiya amalga oshirilmasligi plastik kartochkaning blokka tushishiga sabab bo‘ladi.

 

BPK saqlovchisi, uning kartochkasidan operatsiya o‘tkazilgani to‘g‘risida doimiy habardor bo‘lish imkoniyati mavjudmi?

Javob: Hozirda barcha tijorat banklari tomonidan mijozlarga qulayliklar yaratish maqsadida SMS-habar berish hamda internet banking, mobayl banking va SMS-banking kabi hizmat turlari taqdim etiladi. Ushbu xizmatlarga istalgan vaqtda tijorat bankiga ariza bilan murojaat qilib ulanish mumkin

 

ВАЛЮТА ОПЕРАЦИЯЛАРИ БЎЙИЧА ТЕЗ-ТЕЗ БЕРИЛАДИГАН САВОЛЛАР ВА ЖАВОБЛАР

 

Жисмоний ва юридик шахсларнинг мурожаатларида энг кўп учрайдиган саволлар

Жисмоний ва юридик шахсларнинг мурожаатларида энг кўп учрайдиган саволларга жавоблар (тушунтиришлар)

1.

Қачон валюта ноқонуний бозорини бартараф этиш чоралари кўрилади?

Ўзбекистон Республикасининг «Валютани тартибга солиш тўғрисида»ги Қонунининг 18-моддасига мувофиқ Ўзбекистон Республикаси ҳудудида барча ҳисоб-китоблар ва тўловлар миллий валютада амалга оширилади, ушбу Қонунда кўзда тутилган ҳоллар бундан мустасно.

Шу билан бир қаторда, мазкур Қонунга биноан республика ҳудудида чет эл валютасини сотиб олиш ва сотиш юридик ва жисмоний шахслар томонидан тижорат банклар орқали амалга оширилади. Банклардан ташқари валюта бойликларини қонунга хилоф равишда сотиб олиш ёки сотиш Ўзбекистон Республикасининг Маъмурий жавобгарлик тўғрисидаги кодекси ва Жиноят кодексида белгиланган жавобгарликка сабаб бўлади. Таъкидлаш жоизки, мазкур қонун ҳужжатларини бузган айбдор шахсларга нисбатан Ўзбекистон Республикаси ҳуқуқни муҳофаза қилувчи органлар томонидан тегишли чоралар кўриб борилади.

Бугунги кунда, Ўзбекистон Республикаси Президентининг 2017 йил
7 февралдаги «Ўзбекистон Республикасини янада ривожлантириш бўйича ҳаракатлар стратегияси тўғрисида»ги ПФ-4947-сонли Фармонига асосан валютани тартибга солишда замонавий бозор механизмларини босқичма-босқич жорий этиш масаласи бўйича ишлар олиб борилмоқда.

2.

Ўзбекистон Республикаси Марказий банки томонидан белгиланадиган хорижий валюталарни сўмга нисбатан курси тўғрисидаги расмий маълумотларни қандай олишимиз мумкин?

Хорижий валюталарни сўмга нисбатан курси тўғрисидаги маълумотлар Марказий банкнинг расмий сайтида (www.cbu.uz) жойлаштирилиб борилади. Мазкур маълумотларни электрон шаклда (Excel файлида) олиш мумкин. Марказий банкнинг сайтидан олинган хорижий валюталарнинг курси тўғрисидаги маълумотлар расмий ҳисобланади ва сўровчи томонидан мазкур сайтдаги маълумотлар қайта текширилиб олиниши мумкин.

3.

Миллий валюта “сўм”нинг хорижий валюталарга нисбатан курси қандай ўрнатилади?

Ўзбекистон Республикасининг
«Валютани тартибга солиш тўғрисида»ги Қонуннинг 15-моддасига мувофиқ, Ўзбекистон Республикаси ҳудудида чет эл валютасини сотиб олиш ва сотиш бўйича операциялар, миллий валютанинг чет эл валютасига нисбатан чет эл валютасига бўлган талаб ҳамда таклифнинг жорий нисбати асосида шаклланадиган алмашув курси бўйича амалга оширилади.

Ўз навбатида, валюта бозоридаги талаб ва таклиф даражаси ҳамда аламашув курсининг ўзгариши мамлакатдаги макроиқтисодий вазият, хусусан тўлов баланси, шу жумладан, ташқи савдо балансининг ҳолати каби омиллар таъсирида шаклланиб боради.

4.

Интернет магазинларда товарларни сотиб олиш учун онлайн тўловларни қандай амалга ошириш мумкин?

Интернет «магазинлар»да товарларни харид қилишда онлайн тўловларни халқаро тўлов карталаридан (масалан, VISA, MasterCard ва бошқалар) фойдаланган ҳолда амалга ошириш мумкин. Мазкур карталар республикамизнинг банклари томонидан муомалага чиқарилади.

5.

Фуқаролар томонидан чет эл валютасини сотиб олиш тартибини тушунтириб беринг?

Резидент–жисмоний шахсларга тижорат банклар томонидан чет эл валютасини халқаро тўлов карталаридан фойдаланган ҳолда нақдсиз шаклда сотиш банкларнинг конверсион операциялар бўлимлари орқали амалга оширилади.

Бунда, резидент–жисмоний шахс чет эл валютасини сотиб олиш учун тижорат банкининг конверсион операциялар бўлимига шахсни тасдиқловчи ҳужжат (паспорт, Ўзбекистон Республикасида яшаш гувоҳномаси ёки Ўзбекистон Республикаси ҳарбий хизматчилари учун ҳарбий билет) мижознинг номига очилган халқаро тўлов картаси ҳамда валюта айирбошлаш операцияларини амалга ошириш учун миллий валютада банк ҳисоб-рақамида етарли миқдорда пул маблағлари мавжуд бўлган шахсий банк картасини тақдим этганда амалга оширилади.

Резидент-жисмоний шахсларнинг шахсий картасида етарли миқдорда миллий валютадаги маблағ бўлмаган тақдирда, шахсий карта эмитент банкнинг исталган филиалида нақд миллий валютани банк кассасига топшириш орқали тўлдирилиши мумкин.

Шахсий картада миллий валютадаги маблағ етарли бўлганда, резидент-жисмоний шахс томонидан банкка чет эл валютасини сотиб олиш учун ариза орқали мурожаат этилади.

Миллий валютадаги маблағ тижорат банкнинг операция бажариладиган кундаги чет эл валютасини сотиш курси бўйича тўлов терминали орқали ечиб олинади ва резидент-жисмоний шахснинг халқаро тўлов картасига ўтказиб берилади.

Банк ва резидент-жисмоний шахс ўртасидаги муносабатлар чет эл валютасида банк ҳисобварақларини очиш бўйича икки томонлама шартнома талаблари асосида тартибга солиниб, мазкур шартномада халқаро тўлов картасидан фойдаланиш қоидалари кўрсатилади.

6.

Ташқи савдо операцияларининг ягона электрон ахборот тизимига (ТСОЯЭАТ) янги шартномалар ҳамда уларга ўзгартириш киритиш тартибини тушунтириб беринг?

Ташқи савдо шартномалари бўйича ахборотларни Ташқи савдо операцияларининг ягона электрон ахборот тизимига (ТСОЯЭАТ) киритиш «Е-Контракт» ёки «ВЭД контракт» дастурлари орқали амалга оширилади. Ушбу дастурларда ишлаш тартиби хизмат кўрсатувчи банк томонидан тушунтирилади. Шунингдек, хизмат кўрсатувчи банклар Ташқи савдо шартномалари бўйича ахборотларни Ташқи савдо операцияларининг ягона электрон ахборот тизимига (ТСОЯЭАТ) киритишда ҳам ёрдам беришлари мумкин.

7.

Ташкилотимизнинг ҳисоб рақамига хорижий ташкилотлардан беғараз молиявий ёрдам келиб тушиши керак. Ушбу маблағларнинг ташкилотимиз ҳисоб рақамига ўтказиш тартибини тушунтириб беринг?

Қонунчиликка мувофиқ беғараз ёрдам олувчиларнинг ҳисобварақларига хизмат кўрсатиш Ўзбекистон Республикаси Ташқи иқтисодий фаолият Миллий банки ва «Асака» акциядорлик тижорат банкларининг зиммаларига юкланган.

Шу муносабат билан, ҳисоб рақамингизга хорижий ташкилотлардан беғараз ёрдам маблағлари келиб тушганда Ўзбекистон Республикаси Ташқи иқтисодий фаолият миллий банки ва «Асака» акциядорлик тижорат банкларига махсус ҳисоб рақам очиш учун мурожаат этишингиз зарур. Ўз навбатида, келиб тушган маблағларни сизнинг махсус ҳисоб рақамингизга ўтказиш учун юқоридаги банкларга топшириқнома беришингиз лозим.

8.

Бизнинг ташкилотимиз хорижий корхона билан қарз шартномаси имзолади. Ушбу шартномага кўра ташкилотимиз ҳисоб рақамига хорижий валюта келиб тушиши лозим. Мазкур маблағлар бизнинг банк ҳисоб рақамимизга ўтказилиши учун нима қилишим керак?

Қонунчиликка мувофиқ ташқи қарзни жалб этиш билан боғлиқ валюта операциясини амалга ошириш учун талаб қилиб олгунча асосий ҳисоб рақам очилган банкка ариза, қарз шартномаси ва унга тегишли ҳужжатларни топшириш лозим.

Бунда ҳужжат матни давлат ёки рус тилида баён этилган бўлиши, агар ҳужжат матни бошқа тилда баён этилган бўлса, у легаллаштирилган ёки унга белгиланган тартибда апостиль қўйилган бўлиши ҳамда давлат ёки рус тилига таржима қилинган ва нотариал тасдиқланган бўлиши керак.

Юқоридаги ҳужжатлар топширилгандан сўнг банк қарз шартномаси бўйича келиб тушган маблағларни корхонанинг ҳисоб рақамига ўтказади.

9.

Мен Ўзбекистон Республикаси фуқаросиман. Менинг акам хориждан пул ўтказмаси (Western Union, MoneyGram ва бошқалар) тизими орқали номимга пул юбормоқчи. Ушбу пул ўтказмаларини халқаро пул ўтказмалари орқали олишимда тўсиқлар мавжудми?

Мазкур маблағларни хорижий валютада олсам бўладими?

Амалдаги қонунчиликка кўра жисмоний шахслар Ўзбекистон Республикасига олиб кирилган ва жўнатилган, шунингдек Ўзбекистон Республикасидан олиб чиқилган ва жўнатилган валюта бойликларига эга бўлиши ва ушбу валюта бойликларини эркин тасарруф этиши мумкин.

Халқаро пул ўтказмалари жисмоний шахслар томонидан ҳеч қандай тўсиқларсиз амалга оширилади ва халқаро пул ўтказмалари орқали юборилган пул маблағлари юборилган хорижий валютада қабул қилинади.

10.

Бизнинг ташкилотимизда Ўзбекистон Республикасининг қонунчилигига мувофиқ ишлашга руҳсат олган чет эл фуқаролари ишлайди. Улар ойлик маошини миллий валютада олади ва ўз фаолияти доирасида республиканинг турли вилоятларига хизмат сафарларини амалга оширишади. Уларнинг меҳмонхонада яшаш ҳаққи бизнинг ҳисоб рақамимиз орқали меҳмонхонанинг ҳисоб рақамига ўтказиларди.

Ҳозирда меҳмонхоналар ишчиларимизнинг меҳмонхонада яшаш учун тўловни хорижий валютада амалга оширишимизни сўрашмоқда.

Меҳмонхоналарнинг юқоридаги талаблари қонунийми?

Ўзбекистон Республикаси Президентининг 2016 йил 2 декабрдаги «Ўзбекистон Республикасининг туризм соҳасини жадал ривожлантиришни таъминлаш чора-тадбирлари тўғрисида»ги ПФ-4861-сонли Фармонига асосан Ўзбекистон Республикаси ҳудудида меҳмонхоналарда ва бошқа жойлаштириш жойларида хорижий фуқароларга ҳамда Ўзбекистон Республикасида доимий турар жойига эга бўлмаган, фуқаролиги бўлмаган шахсларга, жойлаштириш бўйича хизматларга шу жумладан туризм фаолияти субъектлари орқали ҳақ тўлаш фақат эркин алмаштириладиган валютада амалга оширилади, улар учун тўлов республиканинг таклиф этувчи давлат ва бюджет ташкилотлари томонидан амалга ошириладиган ҳолатлар бундан мустасно.

11.

Ўзбекистон Республикасида фаолиятини доимий муассаса сифатида олиб борувчи норезидентнинг ишчилари-жисмоний шахсларнинг ҳисоб рақамларига иш ҳақи учун қарздорликни қоплаш ҳисобидан хорижий валютадаги пул маблағларини доимий муассаса ўтказа оладими?

Ўзбекистон Республикаси Президентининг 1996 йил 24 октябрдаги «Республикада нақд хорижий валюта муомаласини тартибга солиш чоралари тўғрисида»ги ПФ-1601-сонли фармонига мувофиқ Ўзбекистон Республикаси ҳудудида юридик ва жисмоний шахслар резидентлар ва норезидентлар, шу жумладан хорижий сармоялар иштирокидаги корхоналар томонидан барча турдаги ишлар ва хизматлар ҳақини, шу жумладан маош ва унга тенглаштирилган тўловларни беришда нақд хорижий валютада ҳисоб-китоблар ҳамда тўловларни амалга оширишлари қатьиян ман қилинган.

Мазкур тўловлар Ўзбекистон Республикасининг нақд миллий валютасида, шунингдек сўмларни республика тижорат банкларидаги тегишли ҳисобварақларга ўтказиш йўли билан амалга оширилиши мумкин. Норезидентлар учун тўловлар юқорида кўрсатилган тўлов шакллари билан бир қаторда хорижий валютани уларнинг Ўзбекистон Республикасидан ташқаридаги валюта ҳисобварақларига ўтказиш йўли билан амалга оширилиши мумкин.

 

  12.04.2017
Bank axborot xizmati


Chop qilish PDF ni yuklash
O`zbekiston
Respublikasining
Hukumat portali
O`zbekiston Respublikasi
Markaziy banki

Iltimos, Call center faoliyatini baholang!

  • A'lo 80%
  • Yomon 49%
  • Yaxshi 21%
  • Qoniqarli 10%
Valyutalar kursi 19.09.2017
Valyuta Xarid Sotish MB
1 USD 8000.00 8150.00 8077.48
1 EUR 9647.00 9656.00 9646.13
1 GBP 10980.00 10985.00 10979.72
1 JPY 73.00 74.00 72.68
Kalkulyatorlar Bank xizmatlari tariflari