Rang sayt: A A A A

"Qishloqqurilishbank" tomonidan ajratiladigan ipoteka keditlari hisobiga quriladigan 3,4 va 5 xonali uylarning namunaviy loyihalari.

1 qavatli 3 xonali uy - joy loyihasi

1 qavatli 4 xonali uy - joy loyihasi

1 qavatli 5 xonali uy - joy loyihasi

Arzon uy joylarga talabgorlarni tanlash tartibi(PDF 2247kb)


Respublikamiz qishloq hududlarida namunaviy loyihalar asosida qurilayotgan arzon uy-joylardan olish, bu borada uy-joy oluvchi fuqarolarga imtiyozli ipoteka kreditlari ajratish tartibi.

O‘zbekiston Respublikasi Prezidentining 2018 yil 24 noyabrdagi “Qishloq joylarda va fuqarolarning ayrim toifalari uchun arzon uy-joylar qurishni kengaytirishga oid qo‘shimcha chora-tadbirlar to‘g‘risida»gi”gi PQ-4028-sonli qaroriga muvofiq, 2019 yil dasturida boshlab respublikamiz qishloq hududlarida namunaviy loyihalar asosida arzon uy-joylar qurilishi “Obod qishloq” dasturi bilan o‘zaro uyg‘unlikda tashkil qilish belgilandi. Bunda :

- “Obod qishloq” dasturiga kiritilgan aholi punktlarida, shuningdek aholisi zich bo‘lmagan va zarur muhandislik-transport kommunikatsiyalari bilan ta’minlanmagan hududlarda 0.02 ga o‘lchamli er uchastkalarida joylashtiriladigan bir qavatli 3 xonali (yonma-yon quriladigan) arzon uylar;

- “Obod qishloq” dasturiga kiritilgan aholi punktlarida, shuningdek aholisi zichligi yuqori bo‘lgan va zarur muhandislik-transport kommunikatsiyalari bilan ta’minlangan hududlarda to‘rt qavatli arzon ko‘p kvartirali (2 va 3 xonali) uylar qurilishi ko‘zda tutilgan.

O‘zbekiston Respublikasi Vazirlar Mahkamasining 2018 yil 9 fevraldagi 103-sonli qaroriga ko‘ra arzon uy-joylar - mulk huquqi bilan turar-joyi yo‘q va turar joyda ijara shartlarida yoki yashash uchun yaroqsiz turar joyda yashaydigan oilalar, boshqa oila yoxud boshqa oilalar bilan bir uyda (bir kvartirada) birgalikda yashovchi oilalar, ko‘p bolali oilalar, daromadi yuqori bo‘lmagan oilalar, to‘liq bo‘lmagan oilada bolani (bolalarni) tarbiyalayotgan onalar (otalar), tarkibida birinchi guruh nogironi bo‘lgan yoxud surunkali kasallikning og‘ir turlaridan azob chekuvchi va qonun hujjatlariga muvofiq alohida xonada yashashga ehtiyoj sezuvchi shaxs bo‘lgan oilalar, shuningdek uy-joy maydoni qonun hujjatlarida nazarda tutilgan (bir shaxs uchun umumiy uy-joy maydoni 16 kv.metrdan kam bo‘lmagan, kursi-kolyaskadagi nogironlar uchun 23 kv.metrdan kam bo‘lmagan) uy-joy maydonining ijtimoiy normasiga muvofiq bo‘lmagan oilalarga beriladi.

Imtiyozli ipoteka krediti - qishloq joylarda tasdiqlangan namunaviy loyihalar bo‘yicha  uy-joy qurilishiga barpo etiladigan uy-joy garovi ostida ajratiladigan uzoq muddatli kredit;

Imtiyozli ipoteka kreditlari quyidagi talablarga javob beruvchi qarz oluvchi (birgalikda qarz oluvchilar)ga beriladi:

·         qishloq joylarda yashaydigan va kredit olish uchun murojaat qilgan kunida 18 yoshga to‘lgan O‘zbekiston Respublikasi fuqarolariga;

·         doimiy ish joyiga, shaxsiy yordamchi yoki dehqon xo‘jaligidan yoxud yakka tartibdagi tadbirkorlik faoliyatidan doimiy daromadga, shuningdek ipoteka krediti bo‘yicha hisoblab yozilgan foizlarni va asosiy qarzni to‘lov jadvaliga muvofiq har oyda to‘lash uchun etarli bo‘lgan, qonun hujjatlarida taqiqlanmagan boshqa daromad manbaiga ega bo‘lgan shaxslarga;

·         barpo etilayotgan uy-joy smeta qiymatining kamida 10 foiz miqdorida boshlang‘ich badal mablag‘iga ega fuqarolarga;

·         kredit tashkilotlaridan kreditlar bo‘yicha to‘lov muddati o‘tgan qarzi bo‘lmagan;

·         tuman hokimliklari huzuridagi Komissiyaning yozma tavsiyasiga (yozma tavsiya barcha tipdagi uy-joylar uchun olinadi) ega bo‘lgan shaxslarga beriladi.

Boshlang‘ich badal - qarz oluvchi (birgalikda qarz oluvchilar) tanlangan uy-joyning loyiha smeta qiymatining kamida 10 foiz hamda miqdorida uzoq muddatli jamg‘arib boradigan omonatiga pul mablag‘lari ko‘rinishda jamg‘arilgan mablag‘lar.

Imtiyozli ipoteka krediti miqdori - ipoteka krediti miqdori qarz oluvchi (birgalikda qarz oluvchilar)ning to‘lovga qodirligini baholashdan hamda qurilayotgan uy-joyning smeta qiymatidan kelib chiqqan holda belgilanadi hamda, uy-joy smeta qiymatining 90 foizi mikdorida ajratilinadi.

Muddati - ikki  yildan iborat imtiyozli davr bilan 20 yilgacha

Kredit foizi – dastlabki 5 yil mobaynida yillik 7 foiz miqdoridagi foiz stavkasi bilan va keyingi 15 yil mobaynida O‘zbekiston Respublikasi Markaziy bankining qayta moliyalashtirish stavkasi miqdorida belgilanadi.

Birgalikda qarz oluvchi -  qarz oluvchining ipoteka krediti va kredit bo‘yicha foizlarning har oydagi to‘lovlarida qatnashadigan, shuningdek ipoteka krediti yuzasidan birgalikda javob beradigan eri (xotini), uning yaqin qarindoshlari (ota-onasi, aka-ukalari, opa-singillari, farzandlari) va boshqa jismoniy shaxslar.

Taqdim etiladigan hujjatlar

1) kredit buyurtmanomasi;

2) qarz oluvchi/birgalikda qarz oluvchi pasportining nusxasi;

3) yashash joyidan oila tarkibi to‘g‘risidagi ma’lumotnoma;

4) qarz oluvchi/birgalikda qarz oluvchining moliyaviy ahvolini tasdiqlovchi hujjatlar;

5) qarz oluvchi/birgalikda qarz oluvchi tanlangan uy-joyni loyiha smeta qiymatining: 10 foiz miqdorda boshlang‘ich badalning bankda jamg‘arilganligini tasdiqlovchi xujjati;

6) “Qishloq qurilish invest” MCHJ injiniring kompaniyasining viloyat filiali bilan imzolangan uy-joy qurilishiga buyurtmachi funksiyasini bajarishga dastlabki shartnoma;

7) tuman hokimligi huzuridagi Komissiyaning yozma tavsiyasi.

Uy-joy foydalanishga topshirilgandan keyin qarz oluvchi bir oy muddat ichida ipoteka to‘g‘risidagi shartnomani notarial tasdiqlash uchun davlat boji to‘lovlarini, garovga qo‘yilgan ko‘chmas mulk sug‘urtasi bilan bog‘liq xarajatlarni, ipoteka to‘g‘risidagi shartnomani davlat ro‘yxatidan o‘tkazish uchun to‘lovlarni amalga oshirishi lozim.

Qarz oluvchi/birgalikda qarz oluvchilarning moliyaviy ahvolini tasdiqlovchi hujjatlar:

1) doimiy ish joyiga ega bo‘lganlar uchun :

- xodimning ohirgi 12 oy mobaynidagi (12 oydan kam ishlangan taqdirda - ishlangan davr uchun) daromadlari to‘g‘risida qarz oluvchi (birgalikda qarz oluvchilar) va oila a’zolari ishlaydigan korxona (muassasa) tomonidan belgilangan shaklda berilgan ma’lumotnoma;

- O‘zbekiston Respublikasi aksiyadorlik tijorat Xalq banki filialida ochilgan yakka tartibdagi jamg‘arma pensiya hisob raqamidan ko‘chirma (agar jamg‘arma pensiya tizimida majburiy tartibda ishtirok etsa) - bank talabiga ko‘ra taqdim etiladi;

2) boshqa daromadlar manbaiga ega bo‘lgan fuqarolar uchun:

- qonun hujjatlarida taqiqlanmagan boshqa daromadlar manbaiga ega bo‘lgan fuqarolar o‘zlarining yashash joyidagi davlat soliq xizmati organi tomonidan tasdiqlangan oxirgi 12 oy mobaynidagi daromadlar to‘g‘risidagi deklaratsiyalar nusxalari;

- dehqon/fermer xo‘jaliklari boshliqlari hisoblanadigan yoki yuridik shaxs bo‘lmasdan tadbirkorlik faoliyati bilan shug‘ullanadigan fuqarolarning oxirgi 12 oy mobaynidagi daromadlari to‘g‘risidagi deklaratsiyalari nusxalari.

Ariza beruvchilarning ijtimoiy ustuvorligini belgilashda tuman hokimliklari qoshida tashkil etiladigan komissiya tomonidan quyidagi ijtimoiy mezonlar hisobga olinadi:

a) ariza beruvchida mulk huquqi bilan turar joyning yo‘qligi va turar joyda ijara shartlarida yoki yashash uchun yaroqsiz turar joyda yashashi;

b) boshqa oila yoki boshqa oilalar bilan bir uyda (bir kvartirada) yashashi;

v) ko‘p bolali;

g) ariza beruvchi oilasining daromadi;

d) bir yoki undan ko‘p bola ota-onalardan biri (to‘liq bo‘lmagan oila) tomonidan tarbiyalanishi va boqilishi;

e) ariza beruvchining oila a’zolari orasida surunkali kasallikning og‘ir turlaridan azob chekuvchi va O‘zbekiston Respublikasi Sog‘liqni saqlash vazirligi tomonidan tasdiqlangan ro‘yxatga muvofiq alohida xonada yashashga muhtoj bo‘lgan shaxslarning mavjudligi;

j) ariza beruvchining oila a’zolari orasida birinchi guruh nogironi mavjudligi;

z) uy-joy maydonining qonun hujjatlarida nazarda tutilgan (bir shaxs uchun umumiy uy-joy maydoni 16 kv.metrdan kam bo‘lmagan, kursi-kolyaskadagi nogironlar uchun 23 kv.metrdan kam bo‘lmagan) uy-joy maydonining ijtimoiy normasiga muvofiq emasligi.

Imtiyozlar

            Bank krediti hisobiga qishloq joylarda namunaviy loyihalar asosida uy-joy  qurayotgan qarz oluvchi, shuningdek mazkur kredit bo‘yicha qarz oluvchining sherik qarzdorlari bo‘lgan uning oila a’zolari (er, xotin, ota-ona, farzandlar)ning ipoteka krediti va unga hisoblangan foizlarini so‘ndirilishi uchun yo‘naltirilgan ish haqi va unga tenglashtirilgan to‘lovlar summasi daromad solig‘iga tortilmaydi.

            Jismoniy shaxslar, qishloq joylarda namunaviy loyihalar asosida uy-joylar qurilishi Dasturi doirasida ipoteka kreditlarini to‘liq to‘lab bo‘lgunga qadar, xarid qilingan uy-joylar bo‘yicha mulk solig‘i to‘lashdan ozod qilinadilar.

            “Qishloq qurilish invest” MCHJ injiniring kompaniyasi va uy-joy quruvchi fuqaro o‘rtasida shartnoma imzolanganidan so‘ng imorat quruvchi fuqaroga (0,02 ga er maydonida joylashgan 2, 3 xonali bir qavatli uylar hamda 0,04 ga er maydonida joylashgan ikki qavatli 4 xonali birlashtirilgan uylar uchun) er uchastkasini ajratish tuman (shahar) hokimining qarori bilan kimoshdi savdosi o‘tkazilmasdan umrbod meros qilib qoldiriladigan mulk tarzida rasmiylashtiriladi.



Arzon uy-joylarni olishda talabgorlarni hokimliklar qoshidagi 
Komissiya tanlaydi

O‘zbekiston Respublikasi Vazirlar Mahkamasining 2018 yil 9 fevralda “2017-2021 yillarda qishloq joylarda yangilangan namunaviy loyihalar bo‘yicha arzon uy-joylar qurish dasturida ishtirok etishi tartibi to‘g‘risidagi nizomni tasdiqlash haqida”gi qarori tasdiqlandi.

Mazkur Nizom O‘zbekiston Respublikasi Prezidentining 2016 yil 21 oktyabrdagi PQ-2639-sonli qarori bilan tasdiqlangan 2017-2021 yillarda qishloq joylarda yangilangan namunaviy loyihalar bo‘yicha arzon uy-joylar qurish dasturi (keyingi o‘rinlarda Dastur deb ataladi) doirasida tegishli tuman hokimligi huzurida tashkil etiladigan talabgorlarni tanlash komissiyasi tomonidan aniqlanadigan potensial uy quruvchilarning qishloq joylarda arzon uy-joylarga bo‘lgan ijtimoiy ehtiyojlaridan va Dastur doirasida potensial uy quruvchilarning ijtimoiy ustuvorligidan kelib chiqib, qishloq joylarda arzon uy-joylar qurish uchun uy quruvchilarni tanlab olish va ularning ishtirok etishi tartibini belgilaydi.

photo_2017-07-14_17-06-59.jpg

Tuman hokimliklari huzurida tashkil etiladigan va doimiy ishlaydigan Komissiya kamida 9 ta a’zolarni, jumladan, tuman hokimi, tuman hokimining iqtisodiyot va tadbirkorlik masalalari bo‘yicha birinchi o‘rinbosari, “Mahalla” xayriya jamoat fondi tuman bo‘limi rahbari, tuman yer resurslari va davlat kadastri bo‘limi boshlig‘i, tuman tibbiyot birlashmasi boshlig‘i, Xotin-qizlar qo‘mitasi tuman bo‘linmasi raisi, O‘zbekiston yoshlar ittifoqining tuman kengashi raisi, tuman aholi bandligiga ko‘maklashish markazi rahbari, fuqarolarning o‘zini o‘zi boshkarish organlari faoliyatini muvofiqlashtirish bo‘yicha tuman kengashi vakilini o‘z ichiga oladi. Bunda Komissiya ishiga kuzatuvchilar sifatida ishtirok etuvchi tijorat banki filialining boshqaruvchisi, injiniring kompaniyasi filialining direktori, tegishli fuqarolarning o‘zini o‘zi boshqarish organi raisi yoki ular tomonidan vakil qilingan shaxslar jalb qilinishi mumkin.

photo_2017-07-14_17-07-37.jpg

Ariza beruvchi fuqaro yozma tavsiyani olish uchun doimiy yashash joyi bo‘yicha Komissiyaga quyidagi ijtimoiy mezonlarga muvofiqligini tasdiqlaydigan, tegishli hujjatlarni (Nizomning 3-ilovasiga muvofiq) ilova qilingan holda anketa-arizani(Nizomning 2-ilovasiga muvofiq)Komissiya raisining nomiga taqdim etadi:

a) ariza beruvchida mulk huquqi bilan turar joyning yo‘qligi va turar joyda ijara shartlarida yoki yashash uchun yaroqsiz turar joyda yashashi;

b) boshqa oila yoxud boshqa oilalar bilan bir uyda (bir kvartirada) yashashi;

v) ko‘p bolali;

g) ariza beruvchi oilasining daromadi;

d) bir yoki undan ko‘p bola ota-onalardan biri (to‘lik bo‘lmagan oila) tomonidan tarbiyalanishi va boqilishi;

e) ariza beruvchining oila a’zolari orasida surunkali kasallikning og‘ir turlaridan azob chekuvchi va O‘zbekiston Respublikasi Sog‘liqni saqlash vazirligi tomonidan tasdiqlangan ro‘yxatga muvofiq alohida xonada yashashga muhtoj bo‘lgan shaxslarning mavjudligi;

j) ariza beruvchining oila a’zolari orasida birinchi guruh nogironi mavjudligi;

z) uy-joy maydonining qonun hujjatlarida nazarda tutilgan (bir shaxs uchun umumiy uy-joy maydoni 16 kv.metrdan kam bo‘lmagan, kursi-kolyaskadagi nogironlar uchun 23 kv.metrdan kam bo‘lmagan) uy-joy maydonining ijtimoiy normasiga muvofiq emasligi.

Ariza beruvchi fuqaroning doimiy yashash joyi bo‘yicha tegishli tuman hokimligi huzuridagi talabgorlarni tanlash bo‘yicha Komissiya ariza beruvchi fuqarolarning arizalari va tegishli hujjatlarini arizalarni taqdim etishning yakuniy sanasi tugagan kundan 15 ish kuni mobaynida ko‘rib chiqadi.

Arizani ko‘rib chiqish va uy-joy sharoitlarini o‘rganish natijalari bo‘yicha tegishli tuman hokimiyati qoshidagi talabgorlarni tanlash bo‘yicha Komissiya 1 ish kuni mobaynida ariza beruvchiga yozma tavsiyani beradi yoki ariza beruvchini rad etishning aniq sabablarini ko‘rsatgan holda yozma tavsiya berish rad etilishidan xabardor qiladi.

Uy-joyga talabgor fuqaro Dastur doirasida qishloq joylarda arzon uy-joy qurishga buyurtmachi funksiyalarini amalga oshirish to‘g‘risidagi dastlabki shartnomani tuzish to‘g‘risidagi ariza (tegishli tuman hokimligihuzuridagi talabgorlarni tanlash bo‘yicha Komissiyaning yozma tavsiyasi ilova qilingan holda) bilan doimiy yashash joyi bo‘yicha “Qishloq qurilish invest” MChJ injiniring kompaniyasi filialiga murojaat qiladi.

Injiniring kompaniyasi filiali talabgorning arizasini qabul qiladi va ko‘rib chiqadi hamda Vazirlar Mahkamasining 2009 yil 26 oktyabrdagi 280-son qarori bilan tasdiqlangan “Qishloq qurilish invest” injiniring kompaniyasi ishtirokida yakka tartibda uy-joy qurilishini amalga oshirish tartibi to‘g‘risidagi Nizomda nazarda tutilgan talablar va muddatlar asosida u bilan dastlabki shartnomani tuzadi.

“Qishloq qurilish invest” MChJ injiniring kompaniyasining filiali bilan dastlabki shartnomani tuzgan talabgor ipoteka krediti berish to‘g‘risidagi ariza (tegishli tuman hokimligi huzuridagi talabgorlarni tanlash bo‘yicha Komissiyaning yozma tavsiyasi ilova qilingan holda) bilanishtirok etuvchi tijorat bankining tegishli filialiga murojaat qiladi.

Ishtirok etuvchi tijorat bankining filiali Vazirlar Mahkamasining 2009 yil 25 maydagi 148-son qarori bilan tasdiqlangan Nizomda va Vazirlar Mahkamasining 2009 yil 26 oktyabrdagi 280-son qarori bilan tasdiqlangan Nizomda nazarda tutilgan talablarga va muddatlarga muvofiq talabgorlarning ipoteka krediti berish to‘g‘risidagi arizalarini ko‘rib chiqadi.

Talabgorlarni tanlashda ishtirok etuvchi tijorat bankining filiali Komissiya tomonidan belgilangan ijtimoiy ustuvorlikni va yozma tavsiyani e’tiborga olgan holda talabgorlarning kreditga layoqatini baholaydi.

Bunda talabgorlarning ipoteka krediti olishi to‘grisidagi buyurtmanomasining birinchi navbatdagi huquqi va navbat tartibi (ketma-ketligi) Komissiyaning yozma tavsiyasida ko‘rsatilgan balldan kelib chiqib belgilanadi. Eng yuqori ball olgan talabgorning arizasi kreditga layoqatini baholanayotganda birinchi darajali navbatga ega bo‘ladi.

Talabgorlarning kreditga layoqatini baholash natijalari asosida ishtirok etuvchi tijorat bankining filiali bankning unga ipoteka krediti berishni ma’qullashi yoki rad etishi to‘g‘risidagi qarori haqida talabgorga yozma ravishda xabar qiladi.



Chop qilish PDF ni yuklash
O`zbekiston
Respublikasining
Hukumat portali
O`zbekiston Respublikasi
Markaziy banki

Siz ATB "Qishloq qurilish bank" tomonidan xizmat ko'rsatish sifatini qanday baholaysiz?

Valyutalar kursi 11.12.2018
Valyuta Xarid Sotish MB
1 USD 8300.00 8360.00 8312.64
1 EUR 9000.00 9600.00 9456.46
1 GBP 10200.00 10700.00 10578.67
1 JPY 60.00 80.00 73.75
1 CHF 8200.00 8600.00 8394.06
Kalkulyatorlar Bank xizmatlari tariflari