Rang sayt: A A A A

АТБ “Қишлоқ қурилиш банк” Бошқаруви раиси биринчи ўринбосари А.Б. Эшонқуловнинг 2018 йилнинг 5 апрель куни Ўзбекистон Миллий матбуот марказида ташкил этилган “Қишлоқ жойларда намунавий лойиҳадаги уй-жойлар қуриш борасида эришилган натижалар: тажриба, амалиёт ва муаммолар” мавзусида ўтказилган брифингдаги нутқи

Ўзбекистон Республикаси Президенти томонидан 2009 йилни “Қишлоқ тараққиёти ва фаровонлиги йили” деб эълон қилиниши билан қишлоқларимиз қиёфаси тубдан ўзгартирилишига, қишлоқ жойларда замонавий уй-жойлар, муҳандислик ва транспорт коммуникациялари, ижтимоий инфратузилма объектлари барпо этилишига катта эътибор қаратила бошланди.

Қишлоқ жойларда уй-жой қурилишини ривожлантириш дастури доирасида 2009-2017 йиллар давомида республикамизда жами 89.167 та намунавий лойиҳалар бўйича уй-жойлар қурилиши амалга оширилди. Бугунги кунга қадар ушбу мақсадлар учун тижорат банклари томонидан фуқароларга 7,5 трлн.сўм, шундан АТБ “Қишлоқ қурилиш банк” томонидан 5,0 трлн.сўм миқдорида узоқ муддатли имтиёзли ипотека кредитлари ажратилди.

Дастур доирасида дунёнинг нуфузли халқаро молия институтлари, хусусан Осиё тараққиёт банки (500,0 млн. АҚШ доллари), Ислом тараққиёт банки (100,0 млн. АҚШ доллари) ва Саудия тараққиёт фондининг (60,0 млн. АҚШ доллари) кредит линиялари жалб қилинди.

Кўрилган чора-тадбирлар оилаларни замонавий, сифатли, шинам уй-жой билан таъминлашга, қишлоқда янги муҳандислик-коммуникация, ижтимоий ва бозор инфратузилмасини шакллантиришга кўмаклашди, қишлоқнинг қиёфасини янги даражага кўтариш ва шу асосда қишлоқ аҳолисининг ҳаёт даражасини яхшилаш ва дунёқарашини ўзгартириш имконини берди.

Ўз навбатида, 2016 йил 21 октябрда Ўзбекистон Республикаси Президентининг “2017-2021 йилларда қишлоқ жойларда янгиланган намунавий лойиҳалар бўйича арзон уй-жойлар қуриш дастури тўғрисида”ги ПҚ-2639-сонли қарори аҳолининг реал эҳтиёжлари ва харид қобилиятини, шунингдек миллий менталитетни ва қишлоқ жойларда яшаш шароитларини тўлиқ ҳисобга олувчи қурилишнинг юқори самарадорлигини таъминлайдиган принципиал жиҳатдан янги ёндашувларни ишлаб чиқишни назарда тутди.

Қарорга мувофиқ намунавий лойиҳадаги уй-жойларнинг арзон намуналари жорий қилиниб, 1 ва 2-типдаги уй-жойлар учун бошланғич бадал маблағлари 25 фоиздан 15 фоизга камайтирилди ҳамда Дастурда иштирок этувчи тижорат банкларининг сафи кенгайтирилди.

Шунингдек, Қарорда қурилиш-монтаж ишлари сифатига қўйиладиган талаблар оширилиб, асосий қурилиш материаллари ва буюмларга қурилиш-пудрат ташкилотларининг харажатларини оптималлаштириш ҳисобига ҳамда Дастур иштирокчилари учун солиқ, божхона имтиёзлари ва бошқа имтиёзлар берилиши туфайли барпо этиладиган намунавий уй-жойлар қийматининг пасайтирилишига эришилиши кўзда тутилди.

Шу билан бирга, қишлоқ жойларда янгиланган намунавий лойиҳалар бўйича арзон уй-жойлар қуриш Дастури доирасида 2018 йилнинг 18 январида Ўзбекистон Республикаси Президентининг “2018 йилда уй-жой қурилишини ривожлантириш мақсадли дастурларни самарали амалга ошириш чора-тадбирлари тўғрисида”ги ПҚ-3480-сонли қарори қабул қилинди.

Мазкур қарорга мувофиқ 2018 йилда умумий қиймати 3534,8 млрд.сўмлик 20000 та уй-жойлар қурилиши кўзда тутилган бўлиб, шундан 16246 таси уй-жой шароитларини яхшилашга муҳтож бўлган оилаларга, 658 таси алоҳида намуна кўрсатаётган ёш оилаларга, 1260 таси Мудофаа вазирлиги ҳарбий хизматчиларига, 468 таси Миллий гвардия ҳарбий хизматчиларига, 468 таси Фавқулодда вазиятлар вазирлиги ҳарбий хизматчиларига ва 900 таси Ички ишлар вазирлиги ходимларига берилиши белгиланган. Ўз навбатида, қарорда 2018 йилда қурилиши режалаштирилган 20000 та уй-жойларнинг молиялаштириш манбалари аниқланиб, унга мувофиқ уй-жойлар қурилишини 676,2 млрд.сўми аҳоли маблағлари, 2165,5 млрд.сўми Халқаро Молия институтларининг кредит линиялари (Осиё тараққиёт банки, Ислом тараққиёт банки ва Саудия тараққиёт фонди) ва 693,1 млрд.сўми Давлат бюджети маблағлари ҳисобидан молиялаштирилиши кўзда тутилган.

Ўз навбатида, қишлоқ жойларда янгиланган намунавий лойиҳалар бўйича арзон уй-жойлар қуриш дастури доирасида жорий йилнинг 9 февралида Ўзбекистон Республикаси Вазирлар Маҳкамасининг “Ариза берувчи - уй қурувчининг 2017-2021 йилларда қишлоқ жойларда янгиланган намунавий лойиҳалар бўйича арзон уй-жойлар қуриш дастурида иштирок этиши тартиби тўғрисидаги низомни тасдиқлаш ҳақида”ги 103-сонли қарори қабул қилинди.

Бугунги кунда 2018 йил Дастурига асосан уй-жой шароитларини яхшилашга мухтож бўлган оилалар учун қурилиши режалаштирилган уй-жойлар бўйича аҳолининг бошланғич бадал маблағлари шакллантирилмоқда.


Ҳурматли акциядорлар, банк мижозлари ва ҳамкорлар!

Сизларга “Қишлоқ қурилиш банк” акциядорлик тижорат банкининг 2016 йилдаги фаолияти натижалари, ҳисобот йилида банк томонидан амалга оширилган ишлар ёритилган ҳисоботини тақдим этар эканмиз, ҳисобот даврида банк эришган ютуқларда Сизларнинг ҳам ҳиссангиз беқиёс эканлигини алоҳида эҳтиром билан таъкидлаб ўтмоқчимиз. Зеро, юртимиз тараққиёти ва банкимиз ривожи йўлидаги муштарак мақсад сари изчил ишларимизни ўзаро ишонч ва ҳамкорликсиз тасаввур этишимиз қийин. Ўзбекистон иқтисодиёти мустақил тараққиёт йилларида қарийб 6 баробар, аҳоли жон бошига тўғри келадиган реал даромадлар 11 баробардан зиёд ўсди. Бу дунёдаги саноқли давлатлардагина кузатилган иқтисодий кўрсаткичдир. Ҳолбуки, жаҳон миқёсида улкан синов ва машаққатлар, оғир муаммолар давом этмоқда, глобал молиявий-иқтисодий инқироз ҳали ҳам ўзининг таъсирини кўрсатиб турибди. Аммо шунга қарамасдан юртимизда иқтисодиётнинг изчил ва барқарор ўсиш суръатлари таъминланмоқда.

Буни иқтисодиётнинг қон томирига қиёс этиладиган банклар фаолиятида ҳам яққол кўришимиз мумкин. Ўтган йили банк тизимини янада мустаҳкамлаш, банкларнинг капиталлашув даражасини ошириш ва инвестициявий фаоллигини кенгайтириш таъминланди. Ҳисобот йилида банк тизимининг жами капитали 2015 йилга нисбатан 1,2 баробардан зиёд кўпайиб, 2017 йил 1 январь ҳолатига кўра 9,4 трлн. сўмни ташкил этди. Шу даврда банкларнинг жами активлари 1,2 баробарга ўсиб, 80,4 трлн. сўмга етди.

Ҳисобот йилида молиявий хизматлар таркибида, бевосита банк хизматларининг улуши 88 фоизга етиб, бу кўрсаткич ҳам ўтган йилнинг шу даврига нисбатан 1,2 баробардан зиёдга ошди. Кўрсаткичларнинг бундай ўсиш динамикаси аҳоли ҳамда тадбиркорлик субъектларига замонавий банк хизматлари кўрсатиш сифати ва кўламини кенгайтириш борасида кўрилаётган мақсадли чоратадбирларнинг самарасидир.

Юксалишнинг, тараққиётнинг ёрқин ифодаси бўлган бу рақамларда бизнинг ҳам – “Қишлоқ қурилиш банк”нинг ҳам муносиб ҳиссаси борлиги эса нафақат банк жамоасини, акциядорларни, балки фаолияти банк билан боғлиқ бўлган мижозларимизни, ҳамкорларимизни ҳам бениҳоя мамнун қилиши шубҳасиз.

Бугун мамнуният билан айтиш мумкинки, ушбу устувор мақсадлар йўлидаги изчил ва аниқ чоратадбирлар натижасида барча йўналишларда ижобий натижаларга эришилди.

Бугунги кунга келиб, “Қишлоқ қурилиш банк” молиявий хизматлар бозорининг барча йўналишларида ўз хизматлари билан қатнашиб, иштирок доирасини янада кенгайтириб бормоқда. Хусусан, молия муассасаси ўз мижозларига жаҳон андозаларига мос ҳолда ҳисоб-китоб амалиётларини ўтказишдан тортиб, молиялаштиришнинг барча турлари асосида сифатли хизматларини таклиф қилмоқда. Айниқса, аҳоли ва юридик шахсларнинг банкдаги маблағларининг ишончли сақланиши ва уларни мунтазам кўпайтириб бориш банкнинг ишончли ҳамкор эканлигини тасдиқлаб келмоқда.

Молия муассасаси истиқболдаги устувор вазифаларини белгилаб олар экан, уларнинг ҳар бирида доимий тараққиёт акс этиб туради. Мамлакат молия бозорида мустаҳкам мавқега эга бўлиш, халқаро молиявий ҳамкорлар биланмуносабатларни янги босқичга кўтариш, барча кўрсаткичларнинг барқарор ўсиш суръатларини таъминлаш, энг муҳими, мижозлар ишончини оқлаш, уларга қулай ва тезкор банк хизматлари кўрсатишда доимий изланишда бўлиш банкнинг доимий ва истиқболдаги муҳим вазифалари бўлиб қолаверади.

Бугунги эришилаётган барча ютуқлар, аввало, Сизнинг, яъни банк акциядорлари, мижозлари ва ҳамкорларининг молия муассасамиз билан ўрнатган узвий, ўзаро ишонч асосидаги ҳамкорлигингиз натижаси деб биламиз, ҳамда барчангизни банк жамоасига билдирган ишончингиз ҳамда банк ривожига бевосита қўшаётган улкан ҳиссаларингиз учун самимий миннатдорчилик билдирамиз. Келгусидаги ўзаро ҳамкорлигимизнинг янада самарали бўлишига умид қилиб қоламиз.       


Ҳурмат билан,

Банк Кенгаши ва Бошқаруви

Chop qilish PDF ni yuklash
O`zbekiston
Respublikasining
Hukumat portali
O`zbekiston Respublikasi
Markaziy banki

Siz ATB "Qishloq qurilish bank"ning tomonidan xizmat ko'rsatish sifatini qanday baholaysiz?

Valyutalar kursi 16.10.2018
Valyuta Xarid Sotish MB
1 USD 8 200,00 8 270,00 8 208.04
1 EUR 9 300,00 9 700,00 9 490.14
1 GBP 10 400.00 10 900,00 10 796.86
1 JPY 60,00 80,00 73.16
1 CHF 8 200,00 8 600,00 8 280.08
Kalkulyatorlar Bank xizmatlari tariflari